القصيفي : هذا هو خط القوات

كتب رئيس مكتب الرياضة في حزب القوات اللبنانية يوسف القصيفي :

بالرغم من كل يلي قطع وعم يقطع على لبنان، ضل في فريق سياسي واحد بعدو ثابت… ثابت رغم كل التضحيات، ورغم الإضطهاد، ورغم كل الإغراءات يلي حاولت تغيّر مسارو. فريق قدر يثبت إنو بعد في ضمانة حقيقية للمشروع اللبناني الفعلي.

‏فريق كتار شايفين فيه خشبة خلاص ببلد تعب من التعطيل… وتعب أكتر من منطق الدويلات يلي خطف الدولة وقراراتها.

‏خطاب القوات الوطني العابر للطوايف ما عاد شعار… صار برهان إنو في قوّة سياسية جدّية، قادرة تنحط قدام مسؤولية إنقاذ البلد، وتقدر تقود مشروع واضح: مشروع الدولة، السيادة، واتخاذ القرار يلي بيصب بمصلحة لبنان أولاً وآخراً.

‏القوات اللبنانية حزب ما بيكتفي برفع الشعارات… حزب بيشتغل بتنظيم، لأنو التنظيم هو الطريق الوحيد للوصول والبقاء. وبظل الفوضى حوالينا، الناس بدا فريق ترتكز عليه. واليوم، القناعة عم تكبر إنو القوات عندا القدرة تحمل هالمرحلة وتفتح باب لمستقبل بيرجع فيه لبنان دولة عن جد.

‏واليوم، محطة أساسية. بعد خمسين سنة، محطة مفصليّة بكل تنظيم حزبي. المؤتمر العام بهاللحظة بيساوي بأهميتو التنظيميّة الرسالة السياسية نفسها، إنو نحنا جاهزين للـ٥٠ الثانية… بمؤسسة منظمة، متجددة، تلتزم بأنظمتها وما بتزيح عن خطها التاريخي. هيدا هو خطّ القوات.