Betico Steel

إلى أهالي ترتج الكرام
.من برنامجي لفت النظر لترتج السياحيه
بلدة ترتج… وجهتكن السياحية الجديدة!

إذا بعد ما زرتوا ترتج بجبيل، فأنتم عنّجد محرومين من تجربة مابتتفوّت!

بلدة ساحرة، بتجمع بين التاريخ، الدّين ، والطبيعة، وفيها خمس معالم ما بتتشبه ولا بأي محل تاني:
١• دير مار جرجس: معبد وثني قديم صار دير، وبعدو المذبح الصخري موجود لليوم ليخبَرنا عن الأضاحي وقصص من آلاف السنين! ودير مار سركيس وديرمار انطونيوس
٢• قلعة ترتج الأثرية: بقايا قلعة عظيمة، وحجارها المنقوشة وخرزات أعمدتها الضخمة صامدين شاهدين عالتاريخ، موجودين حد الكنيسة والبيوت القريبة تماثيل حجريه و نواويس
٣• مغارة ضهر المغرلغمّيق :مكان اختبأ فيه أهل وأقارب القديسة أكوالينا الجبيلية اللي اعتنقت الدين المسيحي واستشهدت.، هرباً من الاضطهاد الروماني … فيها هياكل عظمية مجمّده بالاستحلابات الصخرية . مغارة بتحكي وجع وألم…
٤• جبل ترتج الطبيعي: متحف طبيعي مفتوح! صخور بأشكال منحوتات كهوف، مغاور، ومناظر بتاخد العقل. ولا تنسوا تمرقوا على هوّة العول وهوّة التلج… التلج فيها ما بيذوب، صيف وشتا!
٥.وإذا بدكن لحظة روحية وسلام داخلي، زوروا مزار درب الصليب بحمي مار جرجس… مقصد للحّج والتأمل طيلة أيام السنة.
كل هالمعالم مدرجة ع خريطة لبنان السياحيه
ترتج مش بس بلدة، ترتج تجربة…
ما تنطروا كتير، حضّروا حالكن واكتشفوا سحرها!
وانا مصّره للعمل مع المجلس البلدي العتيد على الاهتمام بهالانجاز الذي سيكون تاريخي إذا تحقق لبلدة ترتج

سناء الزاخم اسطفان