طوني ميشال عيسى : يفرحني أن تستضيف بلدية جبيل مسابقة الذكاء الاصطناعي

كتب الدكتور طوني ميشال عيسى عبر صفحته على الفايسبوك :

“بيفرحني إنو تكون بلدية جبيل عم تستضيف خلال شهر آب القادم بمقرّها مسابقة بتجمع ١٢٠ تلميذ من مدارس لبنان ليتباروا على استعمال الذكاء الاصطناعي وعلم الروبوت أو الإنسان الآلي.. جهد مشكور عم يقوم فيه الريس وسام زعرور مع جيني شمالي والصديق رييع بعلبكي وجامعة LAU وكل المؤسسات يلي وراهم.. الاهتمام بهيك مواضيع يمكن يبيّن شوي غريب بالظروف يلي عم نعيشها. انما بالحقيقة لانو الظروف هيك لازم نقدّر ونحترم أكتر هيك مبادرات، لأنها نوع من مقاومة هدفها المحافظة على المستوى التربوي والتعليمي بمدارسنا وعند تلاميذنا.. الذكاء الاصطناعي وكل العلوم التكنولوجية مش لازم يدرسوها بس تلاميذ المدارس بالخارج. نحن كمان رغم كل ظروفنا لازم تلاميذنا يكون عندهم الحق والفرصة بانو يدرسوها متل غيرهم. كل التقدير والدعم للمنظمين.”