Betico Steel
نقلاً عن موقع Mediafactorynews
رفض المرشح عن البترون في دائرة الشمال الثالثة مجد حرب التعليق على الخلافات الكتائبية جراء دعم الكتائب لترشيحه وقال ل mediafactorynews “انا ما الي علاقة باللي عم بيصير بالبيت الداخلي الكتائبي ، نحنا تعاملنا وتحالفنا مع حزب وهلقد حجمها”
لا يخفي حرب ان احد اهداف هذه المعركة هو اسقاط النائب جبران باسيل ويقول ” هدفنا نوصِّل مشروع يتناقض مع ممارسات باسيل ومشروعه، مشروعنا نوقف هالخربان اللي نتج عن المحاصصات وتأمين غطاء لحزب الله ، بدنا نوقف الضرر عن اللبنانيين، وبالنتيجة الناس هي اللي بتقرر بصناديق الاقتراع بس اللي وصلونا لهون لازم يدفعو الثمن”
ولكنك نجل النائب والوزير السابق بطرس حرب الذي كان جزءا من هذه السلطة التي تعتبرونها مسؤولة ؟ نسأله فيرد ” اللي بدو ينتخبني بس لاني ابن بطرس حرب بيكون عم بيغلط، واللي بيرفض ينتخبني بس لاني ابن بطرس حرب كمان بيكون عم بيغلّط ، حاسبونا على مشروعنا واداءنا وموقفنا السياسي، مش على الاسم والعيلة ، علماً انو هيدا الامر فخر لالي وما رح انكر اصلي” ويتابع شارحاً انه قبل الدخول للبرلمان حتى تمكنا من تشكيل جبهة لمواجهة عدة قوانين وعدة مخالفات قانونية من انفجار المرفأ الى القرض الحسن وغيرها “هيدا الاداء اللي مفروض الناس تحكم عليه وبتمنى يعطونا ثقتهم من بعد ما يطلعو على مشروعنا ويحاسبو اللي وصلونا لهون ، وانا مؤمن ان هوا البترون سيادي واصلاحي بامتياز”
وردا على من يقول ان المعركة بينه وبين المرشح القواتي غياث يزبك في ظل قدرة التيار على نيل حاصل انتخابي ، يعتبر حرب ان هذا الكلام محاولة للتشتيت “معركتنا واضحة بوجه مين، وباسيل بحاجة يأمن حاصل ويكون الاول بالبترون تيربح، ولهلق الارقام ما بتقول هيك “
